R 技術文 — 香港金管局 HKMA Open API

R 技術文 — 香港金管局 HKMA Open API透過金管局 API 下載歷年住宅按揭統計調查結果EricBlockedUnblockFollowFollowingMay 29話說早幾日見到 Facebook 某財經傳媒話加按金額多咗好多云云 (啱啱無意中搵到全文),之後就無聊走去搵原始數據研究吓,結論偏向係奪命四式當中嘅無從判斷。文中提到 2014年7月以及 2018年9月嘅加按金額分別為 37.

9 億元同 135.

5 億元,升幅達兩倍半,翻查金管局每月住宅按揭統計調查結果,疑似直接引用該月新批出轉按貸款額 (37.

87 億元、135.

52 億元) 當成加按金額,但其實轉按呢粒數唔單單係加按,仲包括普通轉按,而當中究竟有幾多係加按套現呢?又有幾多係純粹轉銀行賺回贈兼減息口呢?金管局無提供詳情,但 2017年政府向立法會提交嘅書面回覆咁講:根據金管局每月進行的住宅按揭統計調查,二零一七年首九個月,每月平均涉及轉按的宗數(當中包括加按)有3 100宗,比二零一六年每月平均2 200宗有所增加。但據金管局從主要銀行了解所得,轉按數字增加主要是由於按揭市場競爭激烈,銀行下調按揭息率並提供其他優惠,吸引現有按揭借款人士進行轉按,以減少利息開支,而涉及加按套現的個案只佔小部分。講到尾,小弟作為行外人,資訊不足,無從判斷情況係咪真係咁嚴重,但將轉按全數睇成加按就明顯有斟酌餘地。又離咗題,講返個 API,由於想研究金管局啲按揭統計數據,正喺苦惱緊點搞啲 PDF 檔之際,醒起金管局搞左個 Open API,咁啱部份按揭統計數字(不過可惜無轉按有關數字)亦都可以喺上面搵到,順道寫返篇文介紹點用個 API。數據五花八門,少不了銀行體系統計數字,仲有職位空缺甚或收銀車時間表,不妨上去尋吓寶。當你喺 Browser 打開佢 API 按揭數據條 Link,佢會嘔返堆數字 (JSON 格式) 俾你,裏面包括咩數字就可以睇返份說明書,在此不贅。不過根據 API 規格,要留意返個 API 每次最多顯示 100 行,如果行數多於 100,就要配合 offset 呢個參數一齊用,例如 offset=100 就會顯示第 101 至 200 行(如有),最後條 Link 會變成咁:https://api.

hkma.

gov.

hk/public/market-data-and-statistics/monthly-statistical-bulletin/banking/residential-mortgage-survey?pagesize=100&offset=100眼花了 (頭 5 行)由於係 JSON 格式,當然要做少少清理工作,將佢變返做平時用開嘅 dataframe,今次會用到 jsonlite 的 fromJSON(),簡單易用,不過個 output 結構有少少複雜仲未可以直接用得,要抽返output 裏面嘅 dataframe 出嚟,之後再用 rbind() 痴埋幾個涵蓋不同時期嘅 dataframes 就大功告成。最後就當然要整返張圖先似樣,今次介紹埋 ggthemes 呢個 package (其實仲有唔少同類型嘅 packages),可以用內置主題修飾啲圖,例如下面嗰張顯示未償還住宅按揭貸款總額(不包括居屋等等)就用左 theme_economist(),望落總好過 Excel 啲預設睇到厭嘅格式吧。寫呢篇文時先醒起華田兄都有寫過篇講 HKMA Open API,不過佢係用 Python ,咁都叫好彩無撞到應一應 (Safe)。銀行閑談 (25) — HKMA Open API 示範你也可以善用這些 Open APImedium.

com.

. More details

Leave a Reply